Кыргызстандын Саламаттык сактоо министрлиги билдиргендей, Бишкекте Мамлекеттик санитардык-эпидемиологиялык көзөмөлдөө борборунун базасында заманбап шаардык вакцина сактоочу кампанын курулушу башталды.

Мекеменин басма сөз кызматынан билдиришкендей, долбоор эл аралык уюмдардын каржылык жана техникалык колдоосу менен ишке ашырылууда жана вакциналарды сактоо, логистика жана ташуу боюнча заманбап чечимдерди киргизүүнү карайт.

«Жаңы объект вакциналардын ишенимдүү сакталышын камсыз кылууга, аларды бөлүштүрүүнүн натыйжалуулугун жогорулатууга жана борбор калаанын медициналык мекемелерин үзгүлтүксүз камсыздоого кепилдик берүүгө мүмкүндүк берет», — деп айтылат маалыматта.

Мындан тышкары, кампаны куруу муздак чынжыр (холодовая цепь) системасын бекемдөөгө, иммунобиологиялык препараттарды жеткирүүнүн ыкчамдыгын жогорулатууга жана саламаттык сактоо системасынын мүмкүн болгон эпидемиологиялык чакырыктарга даярдыгын күчөтүүгө багытталган.