Бишкекте жогорку окуу жайлардын бирине уурулукка кирип, компьютер көтөрүп кетүүгө аракет кылган шектүү кармалды. Бул тууралуу Ички иштер министрлигинен билдиришти.
Окуя 15-февралда болгон. Кылмышкер окуу жайга кирип, баасы 73 миң сомду түзгөн компьютерди уурдап чыгып бара жаткан жеринен кармалган.
Жерине ыкчам-тергөө тобу чакырылып, шектүү катары кармалган 60 жаштагы жаран милицияга жеткирилген.
Өздүк булактар билдиргендей, шектүү И.Раззаков атындагы Кыргыз мамлекеттик техникалык университетине уурулукка кирген.
