22-сентябрда саат 09:00дөн 19:00гө чейин Бишкек шаарынын бир бөлүгүндө ичүүчү суу берүү убактылуу токтотулат. Бул тууралуу борбор калаанын мэриясы кабарлады.

Суу берүү Достоевский, Анкара жана Ауэзов көчөлөрү, темир жол жээги, ошондой эле «Алтын-Ордо», «Кара-Жыгач» конуштарында жана «Полицейский городок» аймагында токтотулат. Чектөө турак жайларга, билим берүү жана саламаттыкты сактоо мекемелерине, социалдык жана өндүрүштүк багыттагы объекттерге тиешелүү.

Ичүүчү суу «Контррезервуарлар» суу топтомосунда жана шаардык суу түтүктөрүндө оңдоо-профилактикалык иштердин жүргүзүлүшүнө байланыштуу токтотулат.