20-январда саат 09:00дөн 02:00гө чейин Бишкек шаарынын бир бөлүгүндө ичүүчү сууну берүү убактылуу токтотулат. Бул тууралуу мэрия кабарлады.

Суу шаардын №3, 4, 5, 6, 7, 8, 9,10 кичи райондорунда өчүрүлөт. Өчүрүү аймагы төмөнкү көчөлөр менен чектелет:

Ч.Айтматов проспектиси – Абдрахманов көчөсү – Бакаев көчөсү – Масалиев проспектиси – Токтоналиев көчөсү – Ата-Түрк паркы – Ахунбаев көчөсү – Аламүдүн суусу – Түштүк чоң Чүй каналы – Б.Баатыр көчөсү – Ала-Арча суусу – Семетей көчөсү.

Өчүрүү суу түтүктөрүн оңдоо жана жаңы тетиктерди орнотуу ишине байланыштуу болот.

«Бишкексууканал» ишканасы жаралган убактылуу ыңгайсыздыктар үчүн кечирим сурап, тургундарды алдын-ала ичүүчү суу камдап алууну өтүндү.