Бүгүн саат 9:00дөн кечки 20:00гө чейин борбор калаанын айрым аймактарында муздак суу берүү убактылуу токтотулат. Бул тууралуу Бишкек мэриясынын басма сөз кызматы билдирди.

Маалыматка ылайык, суу өчүрүү иш-чарасы «Батыш-2» суу алгычындагы жана шаар ичиндеги таза суу түтүктөрүндөгү оңдоо иштерине байланыштуу жүргүзүлүүдө.

Суу жок боло турган аймактар төмөнкү көчөлөр менен чектелет:

• Манас проспектиси;
• Ала-Арча дарыясына чейинки темир жол линиясы;
• Бөкөнбаев көчөсү;
• Кулиев көчөсү;
• Москва көчөсү;
• Дмитров көчөсү;
• Орозов көчөсү;
• Казаков көчөсү;
• Дэн Сяопин проспектиси;
• Жибек Жолу проспектиси;
• Жаш Гвардия бульвары;
• Михаил Фрунзе көчөсү;
• Турусбеков көчөсү;
• Чүй проспектиси.

Мэриянын маалыматы боюнча, суу өчүрүү турак үйлөргө, мектептерге, бала бакчаларга, медициналык мекемелерге жана өнөр жай объектилерине да таасирин тийгизет.

«Бишкексууканал» ишканасы шаар тургундарынан жана мекеме-ишканалардан түшүнүү менен кабыл алып, алдын ала ичүүчү суу камдап алууну өтүнөт.