10–14-ноябрда Бишкектин бир районуна жаратылыш газы убактылуу токтотулат. «Бишкекгаз» ишканасынын маалыматына караганда, бул чектөө орто басымдагы жер астындагы газ түтүгүндө жүргүзүлүп жаткан оңдоо иштерине байланыштуу.

Газ берүү Чыңгыз Айтматов проспектиси, Лев Толстой, Матыев, Бакаев жана Гагарин көчөлөрү менен чектелген аймакта токтотулат.

Компаниянын билдирүүсүндө айтылгандай, иштер шаардык мэриянын демилгеси менен Бишкектеги жол тармагын реконструкциялоо алкагында жүргүзүлүүдө. Жарандарга убактылуу өчүрүү маалында альтернативдүү энергия булактарын колдонууга кеңеш берилет.