Бүгүн, 10-ноябрда, Бишкекте Тоголок Молдо көчөсүнүн Чүй проспектисинен Фрунзе көчөсүнө чейинки участогунда унаа кыймылы убактылуу чектелди. Бул тууралуу мэриянын басма сөз кызматы билдирди.

Маалыматка караганда, жолдун убактылуу жабылышы «Кыялымдагы Кыргызстан» аттуу ири жаштар форумунун өтүшү жана ушул көчөдө жайгашкан чакан аренанын салтанаттуу ачылышы менен байланыштуу.

Шаар бийлиги айдоочулардан алдын ала маршрутту пландап, тыгындарды болтурбоо үчүн альтернативдүү жолдорду пайдаланууну өтүндү.