Бишкек шаарында мыйзам талаптардын бузган беш курулуш объектиси аныкталып, аларга жалпы 1 млн сом айып пул салынды. Бул тууралуу Курулуш министрлиги билдирди.

Текшерүүнү Мамлекеттик архитектура-курулуш контролдоо департаментинин Бишкек шаардык башкармалыгы жүргүзгөн. Жыйынтыгында төмөнкү курулуштарда «Курулуш өндүрүшүн уюштуруу» ченемдери жана «Шаар куруу жана архитектура жөнүндө» мыйзамдын талаптары бузулганы аныкталган:

• «Мүрөк» спорттук медицина жана реабилитация борбору;
• Арча-Бешик конушундагы Шербет көчөсү, 11 дарегиндеги беш кабаттуу кеңсе имараты;
• Карасаев көчөсү, 128 дарегиндеги 12 кабаттуу турак үй;
• Көк-Жар айылындагы 16-тилкеде жайгашкан тогуз кабаттуу турак үй;
• Панфилов көчөсү, 11 дарегиндеги эмерек салону.

Мыйзам бузуулар боюнча курулуш жүргүзгөн подряддык уюмдарга Укук бузуулар жөнүндө кодексинин 144-беренесине ылайык жалпы 1 млн сом өлчөмүндө айып салынган. Ошондой эле кемчиликтерди жоюу боюнча актылар түзүлүп, көрсөтмөлөр берилген.