Бейформал сый тамактын соңунда Садыр Жапаров, Касым-Жомарт Токаев жана Шавкат Мирзиёев Борбордук Азия мамлекет башчыларынын Төртүнчү Консультативдик жолугушуусунун алкагында театрлаштырылган оюн көрүштү. Бул тууралуу өлкө башчынын басма сөз кызматы билдирди.
Маалыматка караганда, “Nomad” этно-комплексинин амфитеатрында сыйлуу конокторго “Манас” эпосу, көчмөндөрдүн жашоосу, каада-салты, ата-бабаларынын мурастары тууралуу баяндаган “Улуу Мурас” театралдаштырылган оюн-зоогу көрсөтүлдү.
