«Кыргыз почтасы» ААКсынын акцияларынын контролдук пакети Санариптик өнүктүрүү жана инновациялык технологиялар министрлигинен Кыргыз Республикасынын Президентинин Иш башкармалыгына өттү. Бул тууралуу Кыргыз фондулук биржасынын сайтында маалымдалды.

Жарыяланган маалыматка ылайык, Президенттин Иш башкармалыгы компаниянын 4 669 737 даана жөнөкөй акциясына ээ болду. Бул уставдык капиталдын 83,02%ын түзүп, акциялардын жалпы наркы 2 334 868 500 сомду түзөт. Буга чейин аталган үлүш Санариптик өнүктүрүү министрлигине таандык болгон. Министрлик «Кыргыз почтасынын» акционерлеринин курамынан толугу менен чыкты.

Менчик түзүмүндөгү өзгөрүүлөр 2026-жылдын 29-сентябрында болгон.