4-5-февраль күндөрү Бишкек шаарында «B5+1» экинчи бизнес форуму өткөрүлөт. Министрлер кабинети билдиргендей, форум Борбор Азия өлкөлөрүнүн жана Америка Кошмо Штаттарынын бизнес өкүлдөрү менен өкмөттөрүнүн ортосундагы диалогду камсыз кылуучу аянтча болуп саналат.

Иш-чаранын максаты — аймактык экономикалык кызматташтыкты чыңдоо жана мамлекеттик менен жеке сектордун ортосундагы байланышты өнүктүрүү.

Форумдун приоритеттүү багыттары:

• айыл чарба;
• банк жана финансы иштери;
• минералдык ресурстар;
• электрондук коммерция жана маалыматтык технологиялар;
• транспорт жана логистика;
• туризм.

«B5+1» платформасы — Казакстан, Кыргызстан, Тажикстан, Түркмөнстан, Өзбекстан жана АКШны бириктирген “С5+1” дипломатиялык платформасынын бизнес багыты. Биринчи форум 2024-жылдын 14-15-мартында Алматы шаарында өтүп, ага он өлкөдөн 250дөн ашык бизнес өкүлдөрү катышкан.