Президент Садыр Жапаров Кыргызстандын Мамлекеттик чек ара кызматынын жетекчилигиндеги кадрдык өзгөрүүлөр тууралуу тескемелерге кол койду.

Мирзамир Сыдыков Мамлекеттик чек ара кызматынын төрагасынын биринчи орун басары — Башкы штабдын начальниги кызматынан бошотулду. Бул кызматка Майрамбек Исманалиев дайындалды.

Мындан тышкары, мамлекет башчысынын башка тескемеси менен Жаңыбай Юсубалиев Мамлекеттик чек ара кызматынын төрагасынын орун басары болуп дайындалды.

Документтерге кол коюлган күндөн тартып күчүнө кирет.