Чолпон-Ата курорттук шаарындагы жаңы айланма жолдун курулушунда «China Road and Bridge Corporation» кытайлык компаниясы подрядчы катары иш алып барат. Долбоорго ылайык, узундугу 15,64 чакырымды түзгөн төрт тилкелүү трасса мамлекеттик бюджеттин эсебинен параллелдүү долбоорлоо ыкмасы менен курулат.

Курулушту 2026-жылдын август айынын аягы — сентябрь айынын башында, Дүйнөлүк көчмөндөр оюндарынын ачылышына жана ШКУ саммитине карата аяктоо пландаштырылууда. Жаңы жол аркылуу каттам акысыз негизде жүргүзүлөт. Чолпон-Ата мэриясы бул долбоор аймактын транспорттук инфратүзүмүн жакшыртууга багытталганын баса белгиледи.