УКМК Чүй облусунун Чүй районунун акими Т.Р.Т кызмат абалынан кыянаттык менен пайдаланууга шектелип кармалганын билдирди.

Аталган аким дарыянын нугунан кум-шагыл аралашмасын казып алууга лицензия берүү боюнча токтомдун талаптарын бузганы аныкталган. Тактап айтканда, ал уруксат берилүүгө тийиш болгон 10 сотых аянт жердин ордуна 20 гектар жерди пайдаланууга уруксат берген.

Мындан тыкшары ал айрым чарбалык субъектилер менен кылмыштуу кутумга кирип, ошондой эле жакын тууганынын кызыкчылыктарын коргоо үчүн күбөлүктөрдү берүүгө мыйзамсыз уруксат бергени белгилүү болгон.

16-декабрда аким кармалып, убактылуу кармоочу жайга киргизилген. Учурда бул ишке тиешеси бар башка адамдарды аныктоо боюнча тергөө иштери жүрүүдө.