УКМК кызматкерлери Кыргызстанга психотроптук заттарды мыйзамсыз ташып келүү жана сатуу боюнча ири каналдын ишине бөгөт коюшту. Бул тууралуу ведомствонун басма сөз кызматы билдирди.

Маалыматка ылайык, Бишкекте жүргүзүлгөн ыкчам-издөө иш-чараларынын жүрүшүндө кылмыш үстүндө үч адам кармалган — курьер, фармацевт жана психотроптук дары-дармектерди мыйзамсыз сатууну уюштурган деп шектелген жаран.

Сөз «Лирика» (Magnus PREGALAX 300) жана «Тропикамид» соода аталышындагы дары-дармектер жөнүндө болуп жатат.

Тергөө-ыкчам иш-чаралары уланууда. Психотроптук заттардын мыйзамсыз жүгүртүлүшүнө тиешеси бар башка адамдар такталууда.