Доха-Бишкек түз аба каттамын ачуу боюнча сүйлөшүүлөр жүрдү. Бул тууралуу Тышкы иштер министрлиги билдирди.

Катардагы элчи Марат Нуралиев Qatar Airways компаниясынын Башкы аткаруучу директору Бадр Мухаммед Аль-Меер мырза менен жолугушту.

Анда эки тараптуу кызматташтыгын бекемдөөнүн келечегин жана эки өлкөнүн борбор шаарларынын ортосунда үзгүлтүксүз түз аба каттамдарын ачуу маселелерин талкуулашты.

Мындан тышкары тараптар туристтик жана инвестициялык тармактарда өз ара пайдалуу кызматташтыкты түзүү боюнча пикир алмашты.00