Иранда өткөн дүйнөлүк куран жарышта кыргызстандык кары 2-орунду багындырды. Бул тууралуу Муфтияттан билдиришти.
Маалыматка караганда, Иранда дүйнөлүк куран жарышы өтүп, ага 80 өлкөдөн карылар катышты. Конкурстун алгачкы туру онлайн суроолордон түзүлүп, финалга 33 өлкө өткөн.
Финал 18-февралдан 22-фералга чейин Ирандын борбору Тегеран шаарында өтүп, жыйынтыктоо аземине Ирандын президенти Аятулла Саййид Ибрахим Раиси катышты. Дүйнөлүк куран жарышта кыргызстандык Мухаммадяр кары Курбанбеков экинчи орунду камсыздады.
Жыйынтыгында 1-орунду Иран, 2-орунду Кыргызстан, 3-орунду Ливан алган.
Биздин Телеграм каналыбызга катталыңыз
