Экономика жана финансы министрлиги айрым мамлекеттик кызматтарды аутсорсингге алууну сунуштоодо. Бул тууралуу башкармалыктын башчысынын орун басары Данияр Иманалиев парламенттин транспорт, коммуникация, архитектура жана курулуш боюнча комитетинин жыйынында билдирди.

Ал санариптештирүүнү киргизүү менен мамлекеттик кызматтарды көрсөтүү принциби өзгөрүп жатканын белгиледи.

«Мамлекеттик кызматтардын баасын министрлер кабинети аныктайт. Биз калкка кызмат көрсөтүүнүн сапатын жакшыртууну каалайбыз», – деп түшүндүрдү чиновник.

Бүгүнкү күндө Кыргызстанда 416 мамлекеттик кызмат көрсөтүлсө, анын 264нө акы төлөнөт.