Токтогул ГЭСиндеги суунун аздыгына байланыштуу 2025–2026-жылдардын кышы оор болот. Бул тууралуу энергетика министри Таалайбек Ибраев «Кабар» маалымат агенттигине берген маегинде айтты.

Анын айтымында, өткөн жылга салыштырмалуу суу 1 млрд 600 млн куб метрге аз.

“2024-жылы 12 млрд 400 млн куб метр болгон, анда суу абдан аз деп катуу тынчсызданганбыз. Ал эми быйыл андан да аз. Бул деген электр энергиясы 1 млрд 600 млн киловаттка аз өндүрүлөт дегенди билдирет”, — деди министр.

Мындан улам ал ар бир керектөөчү электр энергиясын үнөмдөшү керектигин белгиледи. Ошондой эле Таалайбек Ибраев энергетикалык кризистен 2028-жылга чейин чыгуу пландалып жатканын кошумчалады.