Токтогул Сатылганов атындагы Кыргыз улуттук филармонияга 19 млн 723,9 миң сомго музыкалык аспаптар сатылып алынат. Бул тууралуу Мамлекеттик сатып алуулар порталында айтылат.
Музыкалык аспаптарды сатып алуу үчүн сынак 1-октярда жарыяланып, арыздар 13-октябрга чейин кабыл алынат.
Маалыматка караганда, филармонияга виолончель, саксофон, контрабас, чаймс жана башка ушул сыяктуу үйлөмө, урма жана чертме аспаптар, аларга керектүү шаймандарды сатып алуу пландалууда.
Сатып алынуучу аспаптардын арасында Apple MacBook ноутбугу бар. Аны 330 миң сомго сатып алуу каралган.
Биздин Телеграм каналга катталыңыз
