Дастан Догоев министрлер кабинетинин төрагасынын орун басары — санариптик өнүктүрүү министри болуп дайындалды. Бул тууралуу президенттин маалымат кызматынан билдиришти.

Тийиштүү жарлыкка Садыр Жапаров кол койгон.

Белгилей кетсек, Дастан Догоев Маалыматтык технологиялар жана байланыш мамлекеттик комитетинин төрагасы кызматынан 2020-жылдын 10-июнунда кеткен. Ал өз чечмин Гарвард университетинин мамлекеттик башкаруу боюнча магистратурасына тапшырганы менен байланыштырган. Ошол эле учурда кызматтан кеткени менен санариптештирүү маселеси боюнча президенттин кеңешчиси бойдон каларын билдирген.