Кыргыз милициясы Орусиянын баңгизатка каршы күрөшүү кызматкерлеринен дрон менен иштөөнүн сырларын үйрөнүп баштады. Бүгүн Ысык-Көл облусунун Чолпон-Ата шаарында атайын машыгуу болуп, ага Ички иштер министринин орун-басары Нурбек Абдиев барды. Бул туурасында аталган министрликтин басма-сөз кызматы билдирди.

Машыгууда компетенттүү органдары кылмышкерлерди издөө, дайынсыз жоголгондорду табуу, жапайы кара куурайдын өскөн жерлерин картага түшүрүү, ошондой эле дрондордун жардамы менен кыймылдап бара жаткан объекттерди көзөмөлдөө боюнча окуу тапшырмаларын иштеп чыгышат.

Муну менен катар адистештирилген жабдуулардын акыркы үлгүлөрдүн көргөзмөсүн өткөрүү пландалып жатыптыр.