Идрис Кадыркулов Кыргызстандын Украинадагы атайын жана ыйгарым укуктуу элчиси кызмат ордунан бошотулду. Тиешелүү жарлыкка президент Садыр Жапаров кол койду. Бул тууралуу президенттин басма сөз кызматы билдирди.

Ал бул кызмат ордуна 2022-жылдын январында дайындалган эле.

Жарлыкка ылайык, Идрис Кадыркулов ошондой эле Киев шаарындагы резиденциясы менен ишти айкалыштыруу боюнча КРдин Молдовадагы, Болгариядагы жана Румыниядагы элчиси кызмат ордуларынан да бошотулду.

Эске салсак, 55 жаштагы Кадыркулов 2018-2019-жылдары Улуттук коопсуздук боюнча мамлекеттик комитетти жетектеген.