УКМК төрагасы Камчыбек Ташиев Ат-Башы районунун тургуну Нурлан Ногойбаевге Кембридж университетинде окуусун улантуусу үчүн акчалай жардам көрсөттү.

Ногойбаев технология саясаты багыты боюнча магистратурага тапшырып, Кембриджге кабыл алынган. Ал буга чейин президенттик “Эл үмүтү” стипендиясына ээ болгон, бирок окуу акысын толук жабууга мүмкүнчүлүгү жетпей, Ташиевге кайрылган.

Нурлан буга чейин Парижде жасалма интеллект боюнча магистратураны аяктаган, акыркы эки жарым жылдан бери авиация тармагында инженер болуп иштейт.