УКМК төрагасы Камчыбек Ташиев айрымдардын “шайлоого даярданып жатат” деген дооматтарына жооп берип, мындай сөздөрдү четке какты. Бул тууралуу ал Сокулук районунда эл менен жолугушууда билдирди.

“Мен бул жерде бирөөгө көрүнөйүн деп жүргөн жокмун. Президенттин тапшырмасы менен иштеп жатам. Айрымдар ‘шайлоого даярданып жатат’ деп айтып жатышат. Дагы бир жолу белгилеп коёюн — мага эч кандай шайлоонун кереги жок. Депутаттыкка да, президенттикке да талапкерлигимди койбойм”, — деди Ташиев.

Анын бул билдирүүсү коомчулукта кызуу талкуу жараткан, “бийликтеги фигуралар шайлоого даярданууда” деген божомолдорго жооп иретинде айтылды.