Бүгүн Бишкек–Ош унаа жолунда кар жаап, жол тайгак болгондугуна байланыштуу эки өткөрмө пунктуна убактылуу чектөө киргизилди. Бул тууралуу ӨКМ кабарлады.

• Жайыл районунун «Сосновка» өткөрмөсүндө оор жүк ташуучу унаалардын бардык түрүнө саат 12:50дөн тарта;
• Токтогул районунун «Арал» өткөрмөсүндө оор жүк ташуучу унаалардын бардык түрүнө саат 13:40тан тарта убактылуу чектөө киргизилди.

Мындай чаралар кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында жасалды.

Кошумча маалымат берилет.