Казакстандык «SHATRANJ» шахмат мектеби «Маданияттар диалогу — Чек арасыз шахмат» аттуу биринчи эл аралык турнирдин триумфатору болуп, жалпы командалык эсепте алтын медалга ээ болду. Бишкектеги ак-кара талаадагы чыңалуу менен коштолгон таймашта борбор калаанын коноктору Орусия, Өзбекстан жана Кыргызстандан келген эң күчтүү атаандаштарын артта калтырууга жетишишти.

Алтын кубок жана медалдардан тышкары, жеңүүчүлөргө 300 миң рубль өлчөмүндөгү башкы акчалай сыйлык тапшырылды. Мелдештин жалпы байге фонду 1 миллион рублди түзүп, ал долбоордун башкы өнөктөшү — уралдык меценат Виктор Шепелевдин жеке каражатынын эсебинен толугу менен каржыланды. Жеңүүчүлөрдү сыйлоо боюнча салтанаттуу азем борбор калаадагы «Орион» мейманканасында өттү.

Посмотреть эту публикацию в Instagram

Публикация от Reporter.kg (@reporter_kg)

Уюштуруучулар Бишкектеги турнир саясаттан тышкары таза спортту жайылтуу жана элдер ортосундагы достукту чыңдоо үчүн маанилүү аянтча болгонун баса белгилешти. Долбоордун ийгиликтүү башталышы жыл сайын өтүүчү жаңы салтка негиз салды, ал мындан ары чөлкөмдүн эң күчтүү интеллектуалдарын Кыргызстандын борборунда туруктуу чогултуп турмакчы.