Жекшемби күнү, 6-сентябрда VI Дүйнөлүк көчмөндөр оюндарынын алтын байгелери үчүн негизги ат оюндарынын чечүүчү беттештери өтөт. Уюштуруу комитети так тартипти бекитти: саат 10:00дө көк бөрү боюнча финал башталат, андан соң саат 12:00дө көкпар боюнча чечүүчү оюн жүрөт, ал эми Оюндардын салтанаттуу жабылыш аземи саат 20:00гө мерчемделген.

Борбор калаанын күйөрмандары үчүн Бишкектин Эски аянтында чоң экрандан беттештерди жана жабылыш аземин түз эфирде көрсөтүүчү фан-аймак ачылат. Буга байланыштуу мэрия автоунаа кыймылына убактылуу чектөөлөрдү киргизүүдө.

Борбордун чок ортосунда төмөнкү көчөлөрдүн тилкелери унаа кыймылы үчүн жабылат:
• Орозбеков жана Раззаков көчөлөрү — Фрунзе көчөсүнөн Чүй проспектисине чейин;
• Абдымомунов көчөсү — Эркиндик бульварынан Панфилов көчөсүнө чейин.