2–5-ноябрь күндөрү Бишкек шаарындагы Токтогул Сатылганов атындагы Кыргыз улуттук филармониясында Акбар Кубанычбековдун «Сүймөнкул» улуттук мюзикли көрсөтүлөт. Бул тууралуу Маданият министрлиги билдирди.

Мекеменин маалыматында, мюзикл көпчүлүк көрүүчүлөрдүн суранычы менен сахнага кайрадан кайтып келүүдө.

Чыгарма Кыргызстандын Эл артисти Сүймөнкул Чокморовдун өмүрү жана чыгармачылык жолуна арналган. Анда инсандын өмүр таржымалы жана маданиятка кошкон салымы сахналаштырылган.

Мюзикл саат 19:00дө башталат. Билеттер онлайн кассаларда жеткиликтүү.