Кыргызстандын коммерциялык банктары 2026-жылдын январь–август айларында 381 млрд сомдук жаңы насыяларды беришти. Бул 2025-жылдын ушул мезгилине салыштырмалуу 13,7%га көп (335 млрд сом), ал эми 2024-жылга салыштырмалуу 66%га жогору (229 млрд сом).

Эң жогорку көрсөткүч апрель айында катталды. Бул айда банктар 65,7 млрд сом насыя беришкен. Бул статистикадагы башка айлардын көрсөткүчтөрүнөн жогору.

Август айында насыялардын көлөмү 46,9 млрд сомду түздү. Бул өткөн жылдын ушул айына салыштырмалуу 14%га көп (41,1 млрд сом), бирок июль айына караганда 9%га аз (51,6 млрд сом).

Улуттук валютада 327,6 млрд сомдук насыя берилген. Бул жалпы көлөмдүн 86%ын түзүп, жылдык өсүш 12% болду.

Ал эми чет өлкөлүк валютада 53,4 млрд сомдук насыя берилген. Бул көрсөткүч өткөн жылга салыштырмалуу 25,7%га өстү.