Бишкектин Көк-Жар айылында, 19-январда, газдын жарылышынан улам эне менен кызы жабыркап, Тез жардам ооруканасына жеткирилген. Бул тууралуу Саламаттык сактоо министрлигинен билдиришти.

Жабыркаган аялдардын улуусу 62 жашта. Анын денесинин 60%ы күйгөн. Абалы өтө оор деп бааланууда.

Ал эми кызы 38 жашта. Анын денесинин 10%ы күйгөн. Абалы туруктуу.

Эскерте кетсек, 19-январда Көк-Жар айылындагы көп кабат үйдүн биринчи кабатындагы батирде газ жарылып, жабыркагандар бар экени кабарланган.

https://reporter.kg/kok-zharda-zharylgan-gazdan-zhabyrkagandar-oorukanaga-tyshty/