VI Дүйнөлүк көчмөндөр оюндары өтө турган мезгилде Кырчын жайлоосуна жеке унаалар менен кирүүгө толугу менен тыюу салынат. Этнофестивалдын көрүүчүлөрү жана меймандары үчүн бекер автобус каттамдары уюштурулду: шаттлдар 1-сентябрдан тарта эртең мененки саат 08:00дөн баштап, 15 мүнөттүк аралык менен каттай баштайт.

Жүргүнчүлөрдү ташуу расмий аялдамаларда төмөнкү үч маршрут боюнча катуу тартипте ишке ашырылат:

• №1 маршрут: Жаркынбаев айылы — Кырчын (Ананьево, Семёновка жана Григорьевка аркылуу);
• №2 маршрут: Бостери (ипподром) — Кырчын (Корумду, Темировка, Григорьевка жана Семёновка аркылуу);
• №3 маршрут: Бает айылы («Чайка Резорт») — Кырчын (Чолпон-Ата, Корумду, Григорьевка жана Семёновка аркылуу).

Уюштуруучулар конокторго жайлоого тез жетүү жана аралыктагы бекеттерде кезек күтпөө үчүн өзүнө жакын жайгашкан отургузуу пункттарын алдын ала аныктап алууну сунуштайт.