Министрлер кабинети кара металлдардын сыныктарын жана калдыктарын, ошондой эле кайра эритүү үчүн кара металлдардын куймаларын өлкөдөн ташып чыгууга убактылуу тыюу салды. Тийиштүү чечимге министрлер кабинетинин төрагасы Адылбек Касымалиев кол койду.

Токтомго ылайык, Евразия экономикалык биримдигинин ТЭИ ТН 7204 коду менен классификациялануучу металл калдыктарын жана куймаларын Кыргызстандан ташып чыгууга алты айлык мөөнөткө чектөө киргизилет.

Тыюу салуу документ расмий жарыяланган күндөн тартып он күн өткөндөн кийин күчүнө кирет. Ал эми токтом кабыл алынгандан үч күндөн соң иштей баштайт.

Бул чара ички рынокту камсыз кылуу жана кайра иштетүү тармагын өнүктүрүү максатында кабыл алынганы белгиленди.