Бишкекте 10-ноябрда саат 10:00дөн 19:00гө чейин 9 жана 10-кичи райондордо ичүүчү суу берүү токтотулат. Бул тууралуу «Бишкекводоканал» муниципалдык ишканасынан билдиришти. Суу турак үйлөргө, мектептерге, бала бакчаларга, медициналык мекемелерге жана башка социалдык жана өнөр жай объектилерине берилбейт.

Суу төмөнкү даректерде өчүрүлөт:

• 10-кичи райондо — № 16–25, 9, 10, 11, 17/1 үйлөрдө;
• 9-кичи райондо — № 10, 12, 12/1, 13, 14, 15, 46, 40/1 үйлөрдө.

Буга диаметри 100 мм болгон задвижкадагы тыгынды жоюу үчүн «Бишкекжылуулукэнерго» муниципалдык ишканасы жүргүзө турган иштер себеп болот.

«Бишкекводоканал» жашоочуларды жана уюмдарды алдын ала суу камдап алууга чакырат. Пландуу жана авариялык өчүрүүлөр тууралуу маалыматты «Менин шаарым» тиркемесинен алууга болот.