Бүгүн «Манас» эл аралык аэропортуна C909 самолётунун базасындагы кытайлык учуучу госпиталь келип конду. Кыргызстандын борборунда жогорку технологиялык офтальмологиялык жана оториноларингологиялык (ЛОР) жардам көрсөтүүгө багытталган «Ден соолуктун абадагы Жибек жолу» аттуу масштабдуу кайрымдуулук медициналык миссиясы башталды.

Долбоор Шанхай кызматташтык уюмунун (ШКУ) макулдашууларынын жана «Бир алкак — бир жол» демилгесинин алкагында Фудань университетинин (Шанхай) алдындагы адистештирилген клиника тарабынан Кытайдын коммерциялык самолеттор корпорациясы (COMAC) менен биргеликте ишке ашырылууда.

Посмотреть эту публикацию в Instagram

Публикация от Reporter.kg (@reporter_kg)

Миссиянын жүрүшүндө кытайлык жана кыргызстандык адистер 2000ден ашык акысыз медициналык консультация жана скрининг өткөрүшөт. Мындан тышкары, негизинен катарактаны алуу жана ЛОР-хирургиялык кийлигишүүлөр боюнча 100дөн ашык кайрымдуулук операцияларын жасоо пландаштырылууда. Булар лайнердин бортундагы операциялык блокто да, жергиликтүү өнөктөш оорукананын базасында да өткөрүлөт.

Маалымат үчүн: C909 учуучу госпитали — дүйнөдөгү офтальмология жана оториноларингология боюнча бирден-бир адистештирилген оорукана-самолет. Анын бортунда биринчи тазалык классындагы сертификатталган модулдук операциялык блок түзүлгөн, бул аба майданында эле микрохирургиялык операцияларды жасоого мүмкүндүк берет. Буга чейин аталган самолеттун гуманитардык миссиялары Кытайда, Лаосто жана Казакстанда ийгиликтүү өткөн.

Владимир Банников