Кыргызстанда жыл сайын 4-апрелде АйТи (IT) чөйрөсүнүн кызматкерлеринин күнүн белгилөө сунушталууда. Санариптик өнүктүрүү министрлиги тарабынан иштелип чыккан токтом долбоору коомдук талкууга коюлду.

Токтом долбоору маалыматтык технологияларды, санариптик инфратүзүмдү жана электрондук процесстерди өнүктүрүүгө салым кошкон адистердин ишмердүүлүгүн таануу максатында даярдалган. Ошондой эле бул чечим маалыматтык системаларды иштеп чыгууну, киргизүүнү жана эксплуатациялоону жүзөгө ашырган адистердин статусун жогорулатууну көздөйт.

Аталган демилге маалыматтык технологиялар чөйрөсүндөгү кадрдык потенциалды чыңдоого жана санариптештирүү жаатындагы мамлекеттик саясаттын ишке ашырылышын камсыз кылууга багытталган.