Кийинки президенттик шайлоо 2027-жылдын 24-январында болорун Борбордук шайлоо комиссиясынын жетекчиси Тынчтык Шайназаров депутаттардын суроолоруна жооп берип жатып билдирди.

Ал эми Жогорку Кеңештин комитети шайлоо боюнча конституциялык мыйзамга өзгөртүүлөрдү жана толуктоолорду карап, үч окууда жактырды.

Конституцияга ылайык, 2021-жылы алты жылга шайланган президент өз ыйгарым укуктарын жаңы Конституциянын алкагында жүзөгө ашырат жана бул мөөнөт биринчи болуп эсептелет.

Эскерте кетсек, буга чейин президенттик шайлоону мындан ары январь айынын аягында өткөрүү сунушталган.