Кыргызстандык эки спортчу Ташкентте (Өзбекстан) өткөн кураш боюнча World Series Masters Дүйнө чемпионатында байгелүү орундарга ээ болушту. Бул тууралуу Дене тарбия жана спорт департаментинен билдиришти.

+100 кг салмакта Бекболот Токтогонов күмүш, 90 кг салмакта Жамалбек Асылбек уулу коло медаль тагынды. Экинчи орунду алган Токтогоновго 5 мин доллар, коло байге уткан Жамалбек Асылбек уулуна 1 миң доллар сыйлык берилген.

Белгилей кетсек, кураш боюнча World Series Masters дүйнө чемпионаты 22-ноябрь күнү өтүп, жеңүүчүлөргө диплом, медаль жана акчалай сыйлык тапшырылды.

1-орун үчүн 10 миң доллар тапшырылса, 2-орунду алгандарга 5 миң доллар жана 3-орунга татыгандарга 1 миң доллар акчалай сыйлык берилген.

Биздин Телеграм каналга катталыңыз