Президент Садыр Жапаров Кыргызстан менен Сейшел аралдарынын ортосунда визаларды жокко чыгаруу жөнүндө макулдашууну ратификациялоо тууралуу мыйзамга кол койду. Макулдашууга 2026-жылдын 11-майында Бишкекте кол коюлган. Ал эми Жогорку Кеңеш мыйзамды 15-октябрда кабыл алган.

Макулдашууга ылайык, эки өлкөнүн жарандары 30 күнгө чейин визасыз жүрө алышат. Бирок календардык жыл ичиндеги жалпы жүрүү мөөнөтү 90 күндөн ашпоого тийиш.

Мыйзам расмий жарыялангандан 10 күн өткөндөн кийин күчүнө кирет. Ал макулдашуунун күчүнө кириши үчүн зарыл.