Кыргызстандын аймактарында 1700 дарыгер жетишсиз. Бул тууралуу  саламаттыкты сактоо министри Алымкадыр Бейшеналиев Жогорку Кеңештин Бюджет, экономикалык жана фискалдык саясат боюнча комитетинин жыйынында билдирди.

Анын айтымында, “Дарыгердин депозити” долбоорунун алкагында жаш дарыгерлер иштеп, 30 миң сомго жакын маяна алышат.

“Аймактарга бир-эки айга дарыгерлер жөнөтүлүп турат жана мобилдик клиника дагы жиберилет. Ушундай жол менен медициналык жардам көрсөтүлүп, тартыштык жоюлат”, – деди министр.

Расмий маалымат боюнча, Кыргызстанда мамлекеттик медициналык мекемелерде иштеген жогорку билимдүү медициналык адистердин жалпы саны 13 миңдин тегерегинде.

Биздин Телеграм каналга катталыңыз