Кыргызстандын “Алга” командасы “Достук-2025” эл аралык балдар турниринин чемпиону болду. Бул тууралуу аталган футбол клубу кабарлады.
27-31-март аралыгында Ташкент шаарында жаштар арасында “Достлик-2025” эл аралык турнири өттү. Мелдешке 24 команда катышып, үч топко бөлүнгөн. Турнирге Кыргызстандын атынан “Алга”, “Асман”, “Тунгуч” жана “Ош-Алай” командалары катышты.
Мелдештин жыйынтыгы боюнча кыргызстандык командалар жакшы жыйынтык көрсөтүшкөнү менен “Алга” башкы жеңүүчү аталды. Команда финалга чыгып, Ташкенттин «Локомотив» командасы менен кездешип, 2:1 эсебинде жеңишке жетип, чемпиондук наамды жеңип алды.
“Бул ийгилик тарыхый болуп калды, анткени буга чейин Кыргызстандын жаштар командалары мындай турнирлерде жеңишке жеткен эмес. Акыркы жылдары Кыргызстанда футбол активдүү өнүгүп жатат: жаңы стадиондор курулуп, машыгуу базалары түзүлүүдө. Атап айтканда, «Алга» командасы азыртан эле езунун спорттук базасын куруп жатат”,-деп айтылат маалыматта.
