«Кызмат» мамлекеттик мекемеси Эгемендүүлүк күнүнө жана Бишкек шаарындагы кошумча эс алуу күнүнө байланыштуу Калкты тейлөө борборлорунун (КТБ) иш графигин жарыялады.

Ага ылайык, 31-августта өлкө аймагындагы бардык КТБлар иштебейт. 1-сентябрь күнү Бишкек шаарындагы борборлор жабык болот. Төмөнкү даректердеги КТБлар 1-сентябрда кызмат көрсөтпөйт:

• №1 КТБ (Октябрь району) — 12-кичи район, Нуркамал Жетикашева көчөсү, 29;
• №2 КТБ (Свердлов/Аламүдүн райондору) — Ч. Валиханов көчөсү, 2;
• №3 КТБ (Ленин району) — Жаш Гвардия бульвары, 4;
• №4 КТБ (Биринчи май району) — Жибек жолу проспектиси, 381;
• Чет өлкөлүк жарандарды тейлөө бөлүмү жана Бакыт өргөсү — Жумабек көчөсү, 121/123;
• «Глобус — ТЭЦ» кичи-КТБсы — Чүй проспектиси, 41Б;
• «Азия» кичи-КТБсы — Д. Садырбаев көчөсү, 107.

Республиканын башка аймактарындагы Калкты тейлөө борборлору 1-сентябрда штаттык режимде иштей берет.

«Кызмат» мекемеси жарандарды бул өзгөртүүлөрдү эске алуу менен сапарларын алдын ала пландаштырууга чакырды.