Кыргызстандын хоккей боюнча курама командасы дүйнө чемпионатына даярдыктарды баштады.
Кыргызстан курамасы жалпысынан 6 команда кирген А тайпасынын командаларынын арасында үчүнчү дивизиондо ойнойт. Турнир Бишкекте 10-16-март күндөрү өтөт. Жеңүүчү экинчи дивизионго (Б тобу) өтүү укугун алат.
«20-февралдан тарта команда машыгууну баштап, турнирге негизги даярдыктарды баштады. Команданын тизмесинде учурда 29 оюнчу бар. Командага 1-орунду ээлеп, экинчи дивизионго чыгуу тапшырмасы берилди», — деди КРнын хоккей федерациясынын биринчи вице-президенти Эльзар Болотбеков.
Кыргыз курама командасы 2022-жылы төртүнчү дивизиондун командалары арасындагы дүйнө чемпиондугун жеңип алса, 2023-жылы үчүнчү дивизиондун (В тайпасы) командалары арасындагы турнирдин жеңүүчүсү болгон. Эки турнир тең Бишкек шаарында өткөн.
Биздин Телеграм каналга катталыңыз
