Мамлекеттик салык кызматы (МСК) 2025-жылдын 11 айында калкка жана бизнеске кызмат көрсөтүү боюнча отчет берди. Тейленген салык төлөөчүлөрдүн жалпы саны 1,1 млн адамды түздү.

Статистикага ылайык, офлайн-режимде 631,7 миң салык төлөөчү кызмат алса, онлайн-режимде санариптик сервистерди 529,8 миң колдонуучу пайдаланган.

Көрсөтүлгөн кызматтардын негизги түрлөрү:

• Салыктар жана камсыздандыруу төгүмдөрү боюнча карыздын жоктугу же бар экендиги тууралуу маалымкат берүү — 370,4 миң кызмат;
• Санариптик сервистерге жетүү: «Салык төлөөчүнүн кабинетине» кирүү мүмкүнчүлүгүн тастыктоо жана калыбына келтирүү — 274,4 миң кызмат;
• Салык режимдери: патенттерди тариздөө жана камсыздандыруу төгүмдөрүн төлөө — 238,3 миң кызмат;
• Каттоо аракеттери: каттоо, кайра каттоо жана эсептик каттоо маселелери — 143,9 миң кызмат;
• Тышкы экономикалык ишмердүүлүк: товарларды ташып келүү жана кыйыр салыктарды төлөө боюнча документтерди тариздөө — 64,5 миң кызмат;
• Башка кызматтар — 69,8 миң.

Кошумча маалымдалгандай, отчеттук мезгилде МСКнын колл-борборунун адистери салык мыйзамдары боюнча 173,5 миң кеңеш беришкен. Ведомство салыктык башкарууну жөнөкөйлөтүү үчүн электрондук кызматтардын үлүшүн көбөйтүү боюнча ишти улантууда.