Кыргызстандык белгилүү балбан айым Айсулуу Тыныбекова тасмага тартылууда. Бул тууралуу ал өзүнүн соцтармагында билдирди.

“Менин бала чактагы эки чоң кыялым орундалды. Бири — аскер формасын кийүү болсо, экинчиси — кинодо роль жаратуу болду”, – деп билдирди ал.

Спортчу айым режиссёр Нурсултан Зарыловдун «Полчанки» комедиялык тасмасынын экинчи бөлүгүндө пайда болот.

33 жаштагы Айсулуу Тыныбекова — Кыргызстандын Күрөш федерациясынын кыз-келиндер күрөшү боюнча вице-президенти, UWW спортчулар комиссиясынын мүчөсү, кыз-келиндер күрөшү боюнча Кыргыз Республикасынын эмгек сиңирген спорт чебери. Ал ошондой эле Азиянын алты жолку чемпиону, дүйнөнүн үч жолку чемпиону, Дүйнө кубогунун жеңүүчүсү, Токио Олимпиадасынын күмүш медалынын ээси болуп саналат.

Посмотреть эту публикацию в Instagram

Публикация от Reporter.kg (@reporter_kg)