Кытайдын Пекин–Гонконг–Макао автомагистралында улуттук майрамдан кийин массалык жол тыгыны пайда болуп, айрым айдоочулар бир күндөн ашык жолдо калышкан.

Маалыматка ылайык, 50 жол тилкесинде миллиондогон унаалар кыймылдап, узун кезек жүздөгөн чакырымга созулган. Бул көрүнүш Кытайда сегиз күндүк Улуттук майрам аяктагандан кийин кайтып жаткан жарандардын агымы менен байланыштуу.

Жыл сайын октябрдын башында миллиондогон кытайлыктар эс алуу күндөрүн пайдаланып, өлкө аймагында саякатка чыгышат. Бирок быйыл унаалардын көптүгүнөн улам транспорттук кыймыл дээрлик токтоп, айдоочуларды жана жүргүнчүлөрдү узак күтүүгө мажбур кылган.

Жергиликтүү маалымат каражаттарынын билдирүүсүндө, айрым айдоочулар 24 саатка чейин тыгында отурушкан.