«Манас» Кыргыз-Түрк университетинин окутуучулары мектеп окуучулары үчүн STEM-дисциплиналары боюнча заманбап окуу китептерин которууга жана адаптациялоого кошкон салымы үчүн Кыргыз Республикасынын Билим берүү министрлигинин сыйлыктарына ээ болушту. Педагогдордун жаңы муундагы билим берүү материалдарын жайылтуу боюнча иши жогору бааланды.

Билим берүү чөйрөсүндөгү жетишкендиктери үчүн Алтынай Токтоматова жана Айбек Аданбаев «Билим берүүнүн мыктысы» төш белгиси менен сыйланышты. Ал эми Нурзат Тотубаева, Камалбек Карымшаков жана Жазгүл Жакакова Билим берүү министрлигинин Ардак грамоталарына татышты.