Жогорку Кеңештин Төрагасы Марлен Маматалиев чыгыш жекпе-жек өнөрүнүн белгилүү чебери жана сүрөтчү Макен Исаковдун 80 жылдык мааракесине арналган эл аралык фестивалга катышты. Төрага маараке ээсин парламенттин атынан куттуктап, ага эстелик белектерди тапшырды жана анын ата мекендик маданиятты өнүктүрүүгө жана жаштарды тарбиялоого кошкон зор салымын белгиледи.

Өз сөзүндө Маматалиев маараке ээсинин өмүр жолу жүздөгөн жаштар үчүн үлгү экенин баса белгиледи. Макен Исаков каратэ, ушу, тайцзи жана цигун сыяктуу спорттун түрлөрүн жана рухий тажрыйбаларды Кыргызстанда калыптандыруу жана жайылтуу үчүн көп күч-аракет жумшап, сергек жашоо образынын өзүнүн уникалдуу мектебин түзгөн. Ошондой эле Төрага анын спортту, чыгыш философиясын жана улуттук баалуулуктарды ийгиликтүү айкалыштырган сүрөтчү катары чыгармачылык талантын өзгөчө белгиледи.

Салтанаттуу иш-чарага ошондой эле парламенттин депутаттары Максат Алымбеков, Улан Сариев жана Бекмурза Эргешов катышты. Фестивалдын өткөрүлүшү кыргыз спортунун ардагерлерине болгон терең сый-урматты жана алардын эмгегин мамлекеттик деңгээлде таанууну көрсөтүү менен республиканын спорттук коомчулугу үчүн маанилүү окуя болуп калды.