Бишкек шаарындагы №87 орто мектебинде кыргыз тили сабагы учурунда мугалим окуучуну урган окуя боюнча атайын комиссия түзүлүп, териштирүү иштери башталды. Бул тууралуу Агартуу министрлиги билдирди.

Учурда Ички иштер министрлиги менен биргеликте окуянын бардык жагдайлары аныкталып жатат. Агартуу министри Догдуркүл Кендирбаева окуяны жеке көзөмөлүнө алды.

Ошондой эле мындай окуялар кайталанбашы үчүн тренингдерди өткөрүүгө мектептерге психологдор жөнөтүлөрү айтылды.

Азыркы тапта соцтармактарда аталган мектепте мугалим окуучуну тактанын алдында уруп жатканы тартылган видео тарап жатат. Бул окуя коомчулукта чоң талкууну жаратууда.

Посмотреть эту публикацию в Instagram

Публикация от Reporter.kg (@reporter_kg)