Быйыл Бишкек шаарына 50 миң көчөт отургузулат. Бул тууралуу шаар мэри Айбек Жунушалиев «Кабар» маалымат агенттигине берген маегинде билдирген.

Мэрдин айтымында, көчөттөр февраль айынан баштап Бишкекке алынып келинет.

Ошондой эле ал алып келинген көчөттөр дароо отургузулбай турганын, алар алгач питомниктерге тигилип, жергиликтүү шартка көнүп кете алуусу сыналарын билдирди.

“Анткени, 2025-жылы 1500 дарак алынып келип, питомникке отургузулган, бирок алардын баары куурап калган. Ушул тажрыйбаны эске алуу менен көчөттөрдү алгач питомникке, андан кийин гана шаарга отургуза баштайбыз”,- деген мэр.